புகைப்படம்: அஸ்ட்ரோ உலகம்

2026ஆம் ஆண்டு SPM தேர்வை எதிர்கொள்ளவுள்ள மாணவர்களுக்கு உதவும் வகையில், அஸ்ட்ரோ மற்றும் மஹ்சா பல்கலைக்கழகம் இணைந்து ‘ZERO FAIL’ எனும் சிறப்பு பிரச்சாரத்தை முன்னெடுத்து வருகின்றன.

மாணவர்கள் தேர்வுக்குச் சிறந்த முறையில் தயாராக உதவும் வகையில், இப்பிரச்சாரத்தின் கீழ் இரண்டு சாலை நிகழ்ச்சிகளும், ஒரு நாள் முழுவதும் நடைபெறும் SPM கருத்தரங்கும் ஏற்பாடு செய்யப்பட்டுள்ளன. இதில் பயனுள்ள படிப்பு உத்திகள், தேர்வு குறித்த பதற்றத்தைச் சமாளிக்கும் வழிமுறைகள் மற்றும் SPM முடிவுகளுக்குப் பின்னர் மாணவர்கள் எதிர்கொள்ளவுள்ள வாய்ப்புகள் குறித்த வழிகாட்டுதல்கள் வழங்கப்படுகின்றன.

கடந்த 4ஆம் தேதி, சிலாங்கூர், பெட்டாலிங் ஜெயாவில் உள்ள மஹ்சா பல்கலைக்கழகத்தில் 'ZERO FAIL' நிகழ்ச்சி நடைபெற்றது. இதில் குறிப்பாக மலாய் மொழி மற்றும் வரலாறு ஆகிய பாடங்களுக்கு முக்கியத்துவம் வழங்கப்பட்டு, மாணவர்களுக்குத் தேர்வு தொடர்பான வழிகாட்டுதல்கள் வழங்கப்பட்டன.

இதன் அடுத்த நிகழ்ச்சி 11ஆம் தேதி அக்டோபர் மஹ்சா சர்வதேச கல்லூரி, பட்டர்வர்த்தில் நடைபெறவுள்ளது. தொடர்ந்து, 24ஆம் தேதி அக்டோபர், சௌஜனா நகரம் புத்ராவில் உள்ள மஹ்சா பல்கலைக்கழகத்தில் சுமார் 1,000 மாணவர்கள் பங்கேற்கும் பிரமாண்ட SPM கருத்தரங்கு நடைபெறவுள்ளது. அஸ்ட்ரோ தயாரிப்புக் குழுத் தலைவர் திரு. இராஜேந்திரன் இராஜமாணிக்கம், SPM மாணவர்கள் அனைவரும் இந்தப் பிரச்சாரத்தில் இணைந்து, இதன் மூலம் வழங்கப்படும் பயனுள்ள வழிகாட்டுதல்களைப் பயன்படுத்திக் கொள்ளுமாறு கேட்டுக்கொண்டார்.

முக்கியமாக, இந்த அனைத்து நிகழ்ச்சிகளும் மாணவர்களுக்கு முற்றிலும் இலவசமாக வழங்கப்படுகின்றன.

இந்த கருத்தரங்கில் ஆசிரியர் சிவராம் மாணவர்களுக்குக் கல்வி மற்றும் தேர்வு தொடர்பான வழிகாட்டுதல்களை வழங்கவுள்ளார்.

மூலம்: அஸ்ட்ரோ உலகம்